Pagina Inicial»Noticia
Comissão E iha Parlamento Nacional ne’ebé trata Assuntos Infraestruturas, hala’o fiscalização ba estrada sira iha área Tassitolu no Tibar iha loron 8 fulan março tinan 2019.
Estrada sira ne’e iha hela processo construção ne’ebé responsável hussi companha internacional ida.
Vice-Presidente Comissão E Deputado Marcos Xavier, hatete objetivo hussi fiscalização ne’e atu haree diretamente construção estrada iha área refere hodi hatene impacto hussi construção ne’ebé tarde tuir tempo.
Nune’e membro Comissão E hussu ba companha refere atu colabora ho entidade relevante sira hodi finaliza lalais construção ne’e.
Iha loron hanessan Comissão C ne’ebé trata assunto Finanças Publicas halo audiência ho Ministro da Agricultura e Pescas, Joaquim José Gusmão dos Reis Martins, no Conselho Nacional Segurança Soberania Ai-han no Nutrição Timor-Leste (KONSSANTIL), iha sala comissão C.
Objetivo audiência ne’e, atu ko’alia kona-ba progresso no desafio iha área segurança alimentar no nutrição Timor-Leste nian ne’ebé agora daudaun KONSSANTIL hala’o hela.
