Pagina Inicial»Noticia
Parlamento Nacional liu hussi sessão Plenária iha loron terça-feira, loron 22 fulan janeiro tinan 2019, Deputado sira preocupa makas ba lixo iha capital Díli.
Liu hussi intervenções diversas, Deputado sira sugere ba Governo atu buka maneira di’ak hodi minimiza lixo iha capital Díli.
Alem de ne’e, Deputado sira mós preocupa necessidade básica sira ne’ebé povo enfrenta hela hodi bele soluciona. Hussu mós Governo atu halo auditoria ba construção porto naval Hera ne’ebé desconfia iha irregularidade.
Assunto hirak ne’e, hetan kedas resposta hussi Secretário de Estado para Comunicação Social, Merício Juvenal dos Reis, katak Governo esforço hodi responde preocupação hirak ne’ebé Deputado sira hato’o.
Reunião Plenária ne’e preside hussi Presidente do Parlamento Nacional em exercício, Luís Roberto da Silva, acompanha hussi membro da Mesa sira no hetan presença Secretário de Estado para Comunicação Social, Merício Juvenal dos Reis.
