Pagina Inicial»Noticia
Parlamento Nacional liu hussi Reunião Plenária ordinária iha loron 15 fulan janeiro tinan 2019, liu hussi votação secreto hili ona Dr Sérgio de Jesus Fernandes da Costa Hornai, ba Comissario Comissão Anti-Corrupção, ho 42 votos a favor, 13 contra, no 2 abstenções.
Comissario Sérgio Hornai eleito hodi troca Comissario Adérito Pinto Tilman, ba mandato tinan 4.
Eleição ba Comissario ne’e realiza iha Período Ordem do Dia nian, enquanto iha Período de Antes Ordem do Dia nian, Deputado sira halo debate urgência ho Ministro dos Transportes e Comunicações, José Agostinho da Silva, kona-ba transportes airo nian ne’ebé ikus-ikus ne’e hamossu polémica iha pública liuliu kona-ba folin ticket no qualidade avião sira-nian.
Além de ne’e Deputado sira mós apresenta preocupação sira relaciona ho dificuldade hirak ne’ebé povo enfrenta hela.
Reunião Plenária ne’e preside hussi Presidente do Parlamento Nacional em exercício, Maria Angelina Sarmento Lopes, acompanha hussi membro da Mesa sira, no hetan presença hussi Ministro da Reforma Legislativa e dos Assuntos Parlamentares, Fidélis Leite Magalhães no Ministro dos Transportes e Comunicações, José Agostinho da Silva, ho nia equipa sira.
