Pagina Inicial»Noticia
Parlamento Nacional liu hussi reunião Plenária iha loron 8 fulan janeiro tinan 2019, realiza debate ho Governo kona-ba «aquisição das participações da Conocophilips e da Shell no consórcio Greater Sunrise» baseia ba artigo 153o Regimento Parlamento Nacional nian.
Durante debate, Representante Especial do Governo ba assunto minerais, Kay Rala Xanana Gusmão, ho nia equipa explica kona-ba processo tomak negociação ho companha operador minerais nian, politica sossa ações, plano no política Governo nian ba exploração Griter Sunrise nian.
Deputado sira liuliu bancada oposição hussu clarificação ba Governo kona-ba estudo viabilidade no risco sira ne’ebé enfrenta durante exploração campo refere no hetan kedas resposta hussi parte Governo.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença Primeiro-Ministro, Taur Matan Ruak, ho membro do Governo sira no Representante Especial do Governo, Kay Rala Xanana Gusmão ho nia equipa sira.
