Pagina Inicial»Noticia
Parlamento Nacional iha loron 13 fulan dezembro tinan 2018, continua halo discussão ba Proposta Orçamento Geral do Estado 2019 iha especialidade.
Iha continuação debate ne’e aprova ona orçamento ba Parlamento Nacional ho 40 votos a favor, 3 contra no 22 abstenções no orçamento ba Primeiro-Ministro nian ho 41 votos a favor, 1 contra no 21 abstenções.
Além de ne’e, aprova mós orçamento ba Ministro do Estado e da Presidência do Conselho de Ministro, no Secretaria de Estado para a Igualdade e Inclusão.
Durante debate iha mós proposta de alteração no aditamento liga ba orçamento órgão sira-nian.
Discussão ne’e encera iha 18h30 no sei continua iha loron 14 fulan dezembro tinan 2018, hodi discute no aprova OGE ba órgão sira seluk.
Debate ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Primeiro-Ministro, Taur Matan Ruak, no membro sira Governo nian.
