Pagina Inicial»Noticia
Parlamento Nacional iha loron 11 fulan dezembro tinan 2018, continua debate Proposta Orçamento Geral do Estado 2019 iha generalidade.
Debate ba loron datoluk ne’e hahú iha oras 09h30 ho leitura ba agenda trabalho nian, no continua kedas ho intervenção hussi Deputado sira kona-ba Proposta OGE 2019 nian inclui programa no politica VIII Governo nian no hetan kedas resposta hussi Primeiro-Ministro, Taur Matan Ruak.
Iha sessão ne’e mós Presidente do Parlamento Nacional informa ba Deputado sira atu apresenta proposta sira antes hakat ba debate iha especialidade.
Iha parte lokraik, sessão discussão ne’ebé preside hussi Presidente do Parlamento Nacional em exercício, Deputada Maria Angelina Sarmento Lopes, continua fó tempo ba Deputado sira hodi halo intervenção antes fó tempo ba Primeiro-Ministro hodi resposta no hakat ba votação.
Sessão discussão ne’e encera iha 19h20 no sei continua iha loron 12 fulan dezembro tinan 2018, hodi hakat ba votação iha generalidade ba Proposta OGE 2019 ne’e.
