Pagina Inicial»Noticia
Estudante sira hussi Centro Aprendizagem Formação Escolar (CAFE) hussi Município Manufahi, iha loron 11fulan dezembro tinan 2018, halo visita guiada ida ba Parlamento Nacional.
Objetivo hussi visita ne’e atu hatene lala’ok no funcionamento Parlamento Nacional nian tuir Constituição RDTL.
Durante visita, Diretor Apoio Parlamentar, Armando Machado, explica ba estudante sira kona-ba funcionamento segundo órgão soberano ida-ne’e ho nia composição da Mesa, bancada parlamentar inclui comissão especializada permanente sira.
Iha visita ne’e mós estudante sira observa diretamente sala Plenária ne’ebé Deputado sira usa hodi halo discussão ba assunto Estado nian.
Estudante hirak ne’ebé hala’o visita ne’e hamutuk na’in 19 acompanha hussi professor sira.
