Pagina Inicial»Noticia
Comissão Especializada Permanente sira iha Parlamento Nacional iha loron 30 fulan novembro tinan 2018 finaliza ona audiência pública ho instituição relevante sira kona-ba Proposta Orçamento Geral de Estado (OGE) 2019 nian.
Iha loron ikus ne’e iha de’it balun ne’ebé hala’o audiência ho instituição competente enquanto comissão balun hahú ona elabora nia relatório comissão nian.
Nune’e iha loron ikus ne’e Comissão C ne’ebé trata assuntos Finanças Públicas halo audiência ho Banco Central de Timor Leste no Banco Nacional de Comercio de Timor Leste.
Comissão F ne’ebé trata assunto Educação, Saúde, Segurança Social e Igualdade Género no Grupo das Mulheres Parlamentares de Timor Leste (GMPTL) halo audiência ho ONG Rede Feto Timor Leste, ACBIT PRADET no parceiro seluk hodi discute kona-ba orçamento ba sensível género nian iha OGE 2019 nian.
