Pagina Inicial»Noticia
Presidente do Parlamento Nacional, Arão Noé de Jesus, acompanha hussi chefe bancada sira, Secretário-Geral do Parlamento Nacional, Adelino Afonso de Jesus, ho nia Adjunto, João Rui Amaral, halo audiência ho representante sira MUTL (Movimento Universitário de Timor-Leste), Abílio S. Ximenes, Novelinho dos Santos, Natalino Barros, Ela Variana Seja, Noé Bernardino Ximenes no Ilídio da Silva, iha loron 8 fulan novembro tinan 2018, iha sala de conferencia do Parlamento Nacional.
Audiência ne’e ho objetivo atu esclarece ba malu kona-ba decisão hodi recolha carreta hussi ex-Deputado sira III Legislatura nian inclui decisão hodi sossa carreta foun ba Deputado sira V Legislatura nian.
Presidente Parlamento Nacional hatete esforço barak Parlamento Nacional halo ona hodi recolha hikas carreta III Legislatura nian no esforço ne’e continua lao. Enquanto decisão hola carreta foun ne’e foti tanba Deputado balun V Legislatura nian la iha transporte hodi facilita serviço Deputado sira-nian.
