Pagina Inicial»Noticia
Parlamento Nacional liu hussi reunião Plenária ordinária, iha loron 6 fulan novembro tinan 2018, halo apreciação ba relatório atividade Comissão Nacional de Eleições (CNE) ba tinan 2017 nian.
Relatório atividade ne’ebé apresenta hussi Presidente CNE ne’e menciona kona-ba atividade comissão nian durante tinan 2017, hanessan visão, missão, composição no organigrama plano estratégico, recurso humano, património, liuliu kona-ba consolidação ba instituição, supervisão ba recenseamento eleitoral, atualização base de dados, educação cívica, publicação iha média, organiza debate candidato ba eleição presidencial, debate ba partido politico ne’ebe concorre iha eleição geral, organiza cerimonia ritual no pacto eleição pacifico, supervisão ba processo simu lista candidatura no imprimi boletim de voto, supervisão ba processo campanha eleitoral, votação no contagem, organiza apuramento nacional, organiza auditoria ba conta partido politico 2017, organiza conferencia nacional no internacional sira, nomos halo estudo comparativo.
Hafoin apresentação relatório, continua kedas ho sessão hussu ho hatán hussi Deputado sira na resposta hussi Presidente CNE. Deputado hussu barak liu kona-ba período campanha eleitoral, controlo atividade partido politico sira no assunto sira seluk.
Deputado sira mós continua fó confiança no encoraja CNE hodi melhoria serviço iha futuro hodi assegura funcionamento órgão eleitoral ho imparcialidade no independente.
Apreciação relatório ne’e hala’o iha período da ordem do dia nian, enquanto iha período de antes da ordem do dia nian, Deputado sira liu hussi intervenção diversa sira levanta assunto importante sira ne’ebé liga ba desenvolvimento povo no nação.
Sessão Plenária ne’e preside hussi Presidente do Parlamento Nacional, Arão Noé de Jesus, acompanha hussi membro Mesa sira, no hetan presença hussi Ministro da Reforma Legislativa e Assuntos Parlamentares, Fidélis Magalhães.
