Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

GOPAC - Conferência Mundial de Parlamentares Contra a Corrupção

RELAÇÕES INTERNACIONAIS

GOPAC - Conferência Mundial Parlamentar sira-nian Contra Corrupção
(Global Organization of Parliamentarians Against Corruption)

http://gopacnetwork.org

GOPAC harii iha outubro 2002, nu’udar resultado husi Conferência Mundial ida ne’ebé hala’o iha Otava, Canadá, no halibur parlamentar liu na’in-170 no observador liu na’in-400 hamutuk hotu hodi luta contra corrupção no promove governação di’ak.

GOPAC nu'udar rede internacional parlamentar sira-nian ida mesak de’it ne’ebé foca exclusivamente atu luta contra corrupção. Ninia membro sira representa país liu 50 iha região hotu-hotu iha mundo, no sira parlamentar ne’ebé hala’o hela sira-nia função, ex-parlamentar, ka parlamentar hirak-ne’ebé ema la husik exerce sira-nia mandato. Sira-nia participação iha GOPAC la’ós nu’udar representante partido ida nian.

GOPAC usa modelo ação ne’ebé baseia ba Global Task Forces (GTF), ne’e katak grupos regionais de parlamentares ne’ebé defende questão específica oioin ne’ebé importante ba combate hasoru corrupção.

Conselho de Administração ho Secretariado da GOPAC apoia GTF sira ho manual oioin, workshop no formação ba parlamentar sira. Liuhosi GTF, GOPAC bele fó apoio atu halo mudança iha lei no iha nível fiscalização iha parlamento nacional sira hodi controla corrupção, promove governação di’ak no responsabiliza Governo iha cidadão sira-nia oin.

Agora daudaun iha GTF lima: Combate Branqueamento Capital; Convenção Nações Unidas nian Contra Corrupção; Fiscalização Parlamentar; Ética e Conduta Parlamentar; Participação Sociedade nian.

Reunião Conferência Mundial
Conferência Mundial GOPAC nian ne’e reunião ne’ebé halo tinan rua dala ida no halibur líderes, membros, potenciais membros e financiadores atu fó incentivo no capacitação ba capítulo sira GOPAC nian no ba sira-nia membros ba luta contra corrupção. Conferência ne’e nu’udar evento ne’ebé hala’o durante loron hirak no inclui workshops, no mós reuniões atu avalia progresso ne’ebé alcança ona no atu explora tópico foun ne’ebé interessa parte hotu-hotu.

GOPAC nia Conferência Mundial ba dala 5 hala’o iha Manila, Filipinas, hahú iha 30 janeiro no remata iha 2 fevereiro 2013, no inclui participação husi delegação ida husi Parlamento Nacional de Timor-Leste.

Parlamento Nacional de Timor-Leste nia participação iha GOPAC nia Conferência Mundial ba dala 5

 

Fórum Parlamentar sira-nian
GOPAC patrocina Fórum Parlamentar sira-nian hamutuk ho Conferência husi Estados Partes iha Convenção Nações Unidas nian contra Corrupção (UNCAC). Fórum fornece plataforma ida ba membros GOPAC no entidades interessadas atu discute questão sira-ne’ebé relaciona ho UNCAC.

 

Fórum Parlamentar sira-nian ba dala 5 hala’o iha Cidade do Panamá, Panamá, iha 27 novembro 2013, ho participação husi membro ida GOPAC Timor-Leste nian.

 

Ita-Boot bele consulta iha ne’e Timor-Leste nia intervenção iha 5.º Fórum Parlamentar sira-nian

 

Conferência Internacional Anti-Corrupção (IACC)

Conferência Internacional Anti-Corrupção nu’udar fórum mundial ida ne’ebé halibur sociedade civil, chefes de estado no mós setor privado atu discute resposta oioin ba desafio sira-ne’ebé corrupção hamosu, ne’ebé sofisticado liu ba beibeik. IACC hala’o tinan rua dala ida iha região ketaketak iha mundo, no halibur participante husi país liu 135.

GOPAC Timor-Leste

GOPAC Timor-Leste estabelece iha 24 junho 2010. Constituído ho membro na’in-27, ne’ebé na’in-25 deputado ne’ebé hala’o hela funções no sira seluk ex-deputado Parlamento Nacional nian.

 

Membro Conselho de Administração nian, ne’ebé eleito ba período 2013/2015, maka sira tuirmai ne’e:

  • Deputado Adérito Hugo da Costa, Vice-Presidente do Parlamento Nacional (CNRT) – Presidente;
  • Mário Viegas Carrascalão, ex-Deputado – Membro;
  • Fernanda Borges, ex-Deputada – Membro;
  • Arsénio Bano, ex-Deputado - Membro;
  • Deputada Virgínia Ana Belo (CNRT) - Membro.
  • No nu’udar membro Conselho Executivo nian:
  • Deputado Francisco Miranda Branco (FRETILIN) – Presidente;
  • Deputada Maria Fernanda Lay (CNRT) – Vice-Presidente;
  • Deputada Maria Lurdes Bessa (PD) – Secretária;
  • Deputada Benvinda Rodrigues (FM) – Tesoureira.