Pagina Inicial»Noticia
Presidente do Parlamento Nacional, Arão Noé de Jesus, halo reunião ho Embaixador Indonésia nian iha Timor-Leste, Sahat Sitorus, ho nia equipa, iha loron 10 fulan agosto tinan 2018, iha gabinete do Presidente do Parlamento Nacional.
Iha reunião ne’e Embaixador Indonésia nian fó felicitação ba Presidente do Parlamento Nacional ne’ebé eleito democraticamente hodi sai Presidente do Parlamento iha Legislatura ne’e, espera katak bele serviço hamutuk di’ak liu tan ho órgão sira Estado nian hodi acelera desenvolvimento nacional.
Embaixador Indonésia mós agradece ba visita honra hussi Presidente da Republica ba Republica Indonésia iha fulan kotuk ne’ebé la’o di’ak tebes.
Ba futuro hametin liu tan cooperação bilateral entre nação rua ne’e, liuliu iha nível parlamentar hodi ajuda soluciona ba questão balun ne’ebé sei pendente hanessan fronteira terrestre inclui área desenvolvimento nian no seluk tan.
Iha oportunidade ne’e mós Embaixador Indonésia ne’e convida Presidente do Parlamento Nacional hodi participa iha conferencia Parlamento Indonésia nian ne’ebé sei hala’o iha fulan setembro oin mai.
Presidente do Parlamento Nacional agradece ba felicitação ne’e inclui apoio hirak ne’ebé durante ne’e Indonésia fó ba Timor-Leste.
Ba Futuro Timor-Leste continua iha cometimento hodi halo cooperação ho nação vizinho sira hodi acelera desenvolvimento nacional. Kona-ba conferencia Parlamento Indonésia nian sei iha representa Parlamento Nacional ne’ebé sei participa bainhira Presidente rassik la participa.
