Pagina Inicial»Noticia
Presidente do Parlamento Nacional, Arão Noé de Jesus da Costa Amaral, relata serviço Parlamento Nacional hanessan formação ba estrutura mesa comissão especializada sira no estabelecimento grupo amizade parlamentar sira ba Presidente da República, Francisco Guterres ‘Lu-Olo’.
Iha reunião mensal ne’ebé hala’o iha Palácio Presidencial, Bairro Pité, iha loron 18 fulan julho tinan 2018, Presidente do Parlamento Nacional hatete too horas ne’e Parlamento Nacional continua hala’o nia serviço normal, liuliu iha Comissão Especializada Permanente sira.
Hanessan Comissão A, ne’ebé trata assuntos Constitucionais e Justiça, simu ona Projeto de Lei Anticorrupção nian, ne’ebé iha loron 30 hodi discute projeto de lei ne’e antes lori ba Plenária hodi halo aprovação. Nune’e mós Proposta de Lei kona-ba Regime Especial hodi halo levantamento hussi Fundo Petrolífero atu preenche regra regime duodecimal too aprovação Orçamento Geral de Estado 2018.
Relaciona ho levantamento Fundo Petrolífero ne’e, Presidente da República hussu ba Parlamento Nacional atu buka meios ida lala hodi labele fó impacto ba salário no vencimento funcionário sira-nian liuliu gestão pública.
