Pagina Inicial»Noticia
Secretariado Parlamento Nacional nian, horas ne’e daudaun, halo ona preparação hodi simu Deputado foun sira ba V Legislatura nian.
Preparação ne’ebé Secretariado halo mak hanessan matéria legislação nian, condição sira ba tomada de posse no acolhimento ba Deputado foun sira.
Secretário-Geral Adjunto do Parlamento Nacional, João Rui Amaral, informa assunto ne’e bainhira hetan entrevista hussi RTTL.ep (Rádio e Televisão de Timor-Leste, empresa pública), iha loron 15 fulan maio tinan 2018, iha sala de conferências Parlamento Nacional nian, ne’ebé acompanha hussi Diretor de Comunicação, Paulo da Costa Nunes, no Diretor de Apoio Parlamentar, Armando Machado.
Preparação ba acolhimento ne’e hanessan tradição ida-ne’ebé Parlamento Nacional, liu hussi Secretariado, halo cada legislatura, atu Deputado sira bele halo sira nia função no papel, iha Parlamento Nacional, tuir lei haruka.
