Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Secretário-Geral do Parlamento Nacional halo reunião ho estrutura foun Secretariado Parlamento Nacional nian

Secretário-Geral do Parlamento Nacional, Adelino Afonso de Jesus, acompanha hussi Secretário-Geral Adjunto, João Rui Amaral, iha loron 24 fulan abril tinan 2017, iha sala conferências, halo reunião ho estrutura tomak Secretariado Parlamento Nacional nian hahú hussi Gabinete sira, Direção sira, no Divisão sira.
Iha abertura, Sr. Secretário geral hussu ba estrutura tomak atu contribui ho serenidade no honestidade iha âmbito serviço nian, tem de ho responsabilidade no simu ida ne’e hanessan desafio ida, ne’ebé tem que valoriza. Além de ne’e, Secretário-Geral Adjunto mos apela ba estrutura tomak hodi mantém disciplina nu’udar dirigentes no continua iha responsabilidade iha serviço hodi valoriza instituição Parlamento Nacional.
Durante reunião ne’e, Secretário-Geral orienta estrutura tomak atu iha reunião cada Direção no Divisão, hodi identifica dificuldade no obstáculo sira, nune’e bele resolve tuir plano no programa ne’ebé mak iha, liuliu preparação serviço ba Legislatura foun mai.
Estrutura ne’ebé estabelece ona tuir LOFAP (Lei da Organização e Funcionamento da Administração Parlamentar), mak hanessan Secretário-Geral ho nia Secretário-Geral adjunto, Gabinete de Auditoria Interna, Gabinete de Estudos Estratégicos e Jurídicos, Gabinete de Relações Internacionais e Cooperação, Gabinete de Segurança, Divisão de Planeamento, Monitorização e Avaliação, Divisão de Protocolo, Centro de Promoção da Igualdade de Género, Gabinete Médico, no Direção haat (4) ho nia Divisão hamutuk sanulu ressin tolu (13).

 

 

Tags: