Parlamento Nacional de Timor-Leste (PN) ho Universidade Nacional de Timor Lorosa’e (UNTL) assina, iha dia 27 de fevereiro de 2015, Protocolo ba cooperação entre instituição rua ne’e ho objetivo atu contribui atu haburas relação colaboração, inclui iha área Recursos Humanos, Desenvolvimento Institucional e Pesquisa Científica.
Iha Protocolo ne’ebé foin assina ne’e inclui programas e atividades hanessan disponibiliza vagas iha cursos graduação, pós-graduação no mestrado ba deputados e funcionários PN nian, tuir limites ne’ebé UNTL estabelece; formação no capacitação personalizada ba deputados e funcionários, ne’ebé hola iha consideração especificidades técnicas e contexto instituição nian, no mós desenvolve atividades hamutuk iha ensino, pesquisa e capacitação institucional.
Protocolo ba cooperação ne’e prevê mós participação hamutuk iha seminários e encontros ho interesse académico e social, hamossu ações de formação iha nível académico oioin, estágios profissionais iha Parlamento Nacional ba estudante sira UNTL nian, tulun malu ho consultoria no iniciativa selusseluk ne’ebé, tuir Protocolo, relevante no adequado ba instituição rua hotu.
Protocolo nia duração ba tinan lima, no bele renova liuhossi acordo escrito entre parte rua. Sua Excelência, Presidente do PN, Dr. Vicente da Silva Guterres, no Magnífico Reitor da UNTL, Professor Doutor Aurélio Guterres, mak assina Protocolo ne’e, iha Gabinete Presidente do Parlamento Nacional nian.
