Hahú iha dia 31 de março to’o 1 de abril de 2015, delegação ida hussi Assembleia Popular Nacional da República Popular da China sei visita Parlamento Nacional de Timor-Leste.
Delegação ne’e inclui ema na’in-12, no Vice-Presidente do Comité Permanente da Assembleia Popular Nacional da China, Sua Excelência, Chen Zhu, mak lidera.
Visita ne’e acontece liutiha convite ne’ebé Sua Excelência, Presidente do Parlamento Nacional, Senhor Dr. Vicente da Guterres, haruka tanba considera katak visita ne’e importante tebes ba povo timoroan ne’ebé buka atu hametin relação bilateral entre parlamento rua ne’e no povo rua ne’e. Durante visita ne’e delegação sei hassoru malu ho Suas Excelências, Presidente da República, Taur Matan Ruak, Presidente do Parlamento, Vicente da Silva Guterres, no Primeiro-Ministro, Rui Maria de Araújo, no sei bá visita mós Museu da Resistência, equipa médica chinesa iha Bairro Formosa, Embaixada China nian no mós monumento Cristo Rei.
Durante sira-nia visita ba Parlamento Nacional, delegação sei hala’o encontro ida ho S.E. Presidente do Parlamento Nacional iha Sala de Conferências.
Ne’e visita ba dala uluk ne’ebé entidade nível aas ne’e hussi Assembleia Popular Nacional da China halo ba Parlamento Nacional de Timor-Leste.
