Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Prezidente Parlamentu Nasionál hahú Kampanha Vasinasaun Covid-19 iha Suku Namanei no Tequinaumata

Pagina Inicial»Noticia

Prezidente Parlamentu Nasionál, Aniceto Longuinhos Guterres Lopes, iha loron 16 fulan outubro tinan 2021, hahú ona halo kampanha Vasinasaun iha Suku Namanei Postu Administrativu Quelicai no Suku Tequinaumata, Postu Administrativu Laga, Munsipiu Baucau.

Durante kampanha Vasinasaun ne’e lao hamutuk ho membru Governu sira hanesan Vise-Ministru Administrasaun Estatal, reprezentante husi Ministeriu Saude no ekipa saúde husi Munisipiu no Nasionál.

Iha diskursu lansamentu ba kampanha ne’e, Prezidente Parlamentu Nasionál hatete envolvimentu Parlamentu Nasionál iha kampanha vasinasaun ne’e tanba moras Covid-19 ne’e hanesan kauza nasionál ida ne’ebe presija ema hotu nia kontribuisaun liuliu Parlamentu Nasionál hanesan reprezentante povu iha obrigasaun atu organiza no mobiliza povu hodi partisipa iha kampanha ne’e hodi livre husi Covid-19.

«Ohin ha'u mak tuun rasik, semana oin Deputadu idaidak tuun ba munisipiu sira, tulun Governu liuliu Ministeriu Saude ho ekipa saúde rasik hodi halo kampanha vasinasaun» dehan Prezidente Parlamentu Nasionál.

Prezidente Parlamentu Nasionál enkoraja timoroan hotu atu tuir vasina nune’e bele livre husi moras no lalika rona informasaun falsu sira hodi fó perigu ba ita-nia saúde rasik.

«Iha Mundu, iha nasaun ne’ebe de’it, la iha Governu ida mak hanoin atu estraga nia povu rasik, Mediku, Doutor sira ne’e mesak timoroan de’it, ita-nia alin sira, maun, bin, lalika tauk mai tuir vasina» alerta Prezidente.

Iha kampanha refere, Prezidente Parlamentu Nasionál ho ekipa saude mós halo vasinasaun door to door ka vizita diretamente ba populasaun idaidak nia uma hodi fó vasina.

Tuir daduz ne’e autoridade Suku Namanei relata katak husi aldeia haat ne’ebe pertense ba Suku Namanei iha populasaun hamutuk 299 mak tuir ona vasinasaun ba Doze dahuluk, enkuantu populasaun 321 mak seidauk tuir vasinasaun.

Entretantu Suku Tequinaumata alvu ba vasinasaun hamutuk ema na’in 2200 no 1077 mak simu ona vasinasaun ba Doze dahuluk.

Tags: