Pagina Inicial»Noticia
Parlamentu Nasionál liu husi reuniaun plenária extraordinária iha loron 7 fulan setembru tinan 2021, halo votu pezar ba saudozu Jose dos Reis ho 37 votu a favor, 0 kontra no 0 abstensaun no votu pezar ba saudozu Manuel Hermenegildo Belo «Maumeta» ho 38 votu a favor, 0 kontra no 0 abstensaun.
Votu pezar ne’e halo bazeia ba kontribuisaun no partisipasaun saudozu sira-nian durante luta libertasaun nasionál.
Reuniaun plenária ne’ebe prezide husi Prezidente Parlamentu Nasionál em exercício Maria A. Lopes Sarmento ne’e kontinua kedas ba aprezentasaun relatóriu no pareser husi Komisaun F kona-ba Projetu Lei n.o 29/V(3ª) – Lei Protesaun Labarik no Jovem iha Perigu.
Hafoin leitura ba relatóriu, Deputadu sira deside atu kontinua diskusaun no aprovasaun iha jeneralidade, iha semana oin.
