Professores voluntario nain sanulu resin lima composto hussi feto nain rua no mane nain sanulu resin tolu, husi Escola Secundária Geral Dom Carlos Filipe Ximenes Belo, Município Baucau, Posto Administrativo Quelicai, halo audiência ho Presidente Parlamento Nacional, Aniceto Longuinhos Guterres Lopes, acompanha hussi Presidente Comissão G, António Verdial, iha loron 17 Fulan setembro tinan 2020, iha Sala Conferência Parlamento Nacional.
Depois de encontro, Coordenador Escola Secundária Geral Dom Carlos Filipe Ximenes Belo, Carlos Ximenes Filipe ba jornalista sira hatete, objetivo husi audiência nee atu hato'o problemas neebe mak Professor sira enfrenta durante tinan hitu hanorin ho voluntario, no seidauk hetan reconhecimento husi Ministério Educação kona-ba direito vencimento to’o agora.
Relaciona ho preocupação nee, Presidente Comissão G neebe trata Assunto Educação, Juventude, Cultura e Cidadania, hatete, Deputado sira Parlamento Nacional hanesan representante povo iha dever tomak atu encaminha problema professor sira nian ba Ministério Educação atu buka solução ba assunto nee iha tempo badak.
