Pagina Inicial»Noticia
Comissão G iha Parlamento Nacional ne’ebé trata assunto Educação, Juventude, Cultura e Cidadania, iha loron 16 fulan junho tinan 2020, hala’o fiscalização ba iha Município Manufahi.
Atividade fiscalização ne’e hahú ho audiência ho Diretor de Edução Município Manufahi, Trinitos Sarmento, hodi rona dificuldade hirak ne’ebé edução município enfrenta liuliu kona-ba reativa escola sira.
Dificuldade ne’ebé escola sira hassoru durante ne’e atu reativa fali escola mak la iha bee-moos no mascara ba estudante sira, hodi bele garante prevenção Covid-19.
Delegação Comissão G mós rona preocupação sira hussi parte departamento juventude no desporto, departamento cultura, inclui gerente Radio Comunidade 1912 Manufahi nian.
Hafoin audiência, Comissão G continua kedas ho fiscalização hodi haree diretamente atividade grupo juventude sira ne’ebé hetan apoio hussi Secretária de Estado Juventude e Desporto, no observa condição serviço Radio Comunidade 1912 Manufahi.
Atividade fiscalização ne’e lidera hussi Presidente Comissão G, Deputado António Verdial de Sousa, acompanha hussi membro comissão nian.
