Pagina Inicial»Noticia
Comissão F iha Parlamento Nacional ne’ebe trata Assunto Educação, Saúde, Segurança Social e Igualdade de Género, ne’ebe preside hussi Presidente Comissão F, Deputada Maria Gorumali Barreto, halo audiência urgente ho Secretário de Estado para os Assuntos dos Combatentes da Libertação Nacional, Gil da Costa Monteiro «Oan Soru», acompanha hussi Presidente da Comissão Homenagem, Vergílio Smith, iha loron 16 fulan dezembro tinan 2019, iha Sala de Conferência Parlamento Nacional.
Audiência urgência ne’e halo relaciona ho preocupação balun hussi veterano no combatente sira kona-ba processo verificação dados durante ne’e.
Iha semana kotuk, representante veterano no combatente balun hassoru malu ho Presidente do Parlamento Nacional hodi apresenta preocupação relaciona ho processo verificação dados veterano sira-nian
Nune’e, Comissão F realiza audiência hodi rona explicação hussi Secretário de Estado para os Assuntos dos Combatentes da Libertação Nacional hodi bele resolve preocupação hirak ne’e.
Durante audiência, parte Secretário de Estado para os Assuntos dos Combatentes da Libertação Nacional, explica lala’ok verificação, no método hirak ne’ebé estabelece hodi garante dados veterano no combatente sira ho loloos.
Comissão verificação rassik verifica tuir lei no guião ba processo validação 2º registo combatente libertação nacional nian, no processo ne’e rassik iha município hotu-hotu mesmo que iha impedimento ruma.
