Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Loron Dahituk Comissão Especializada Permanente sira halo Audiência Pública ho Ministério sira

Comissão Especializada Permanente sira iha Parlamento Nacional, iha loron 06 fulan novembro tinan 2019, continua halo audiência ho ministério sira kona-ba Proposta Orçamento Geral de Estado (OGE) 2020 no mos execução Orçamento Geral do Estado 2019 nian.

Audiência ba loron dahituk ne’e, comissão especializada sira halo audiência ho ministério relevante sira hanessan parte dadeer; Comissão A ne’ebé trata assuntos Constitucionais e Justiça, halo audiência ho Tribunais no mos ho Procuradoria-Geral da República; Comissão C ne’ebé trata Assunto Finanças Públicas hamutuk ho Comissão F ne’ebé trata Assunto Saúde, Segurança Social e Igualdade de Género, halo audiência conjunta ho Ministra da Solidariedade Social e Inclusão (MSSI); Comissão D ne’ebé trata assunto Economia no Desenvolvimento halo audiência ho Ministério Coordenador dos Assuntos Económico, Ministério de Turismo, Comércio e Indústria, Secretário de Estado do Meio Ambiente, Secretário de Estado Cooperativas, SEFOPE, Instituto de SERVE no Instituto do Bambu no Comissão G ne’ebé trata assunto Educação, Juventude, Cultura e Cidadania, realiza audiência ho Ministério do Ensino Superior Ciência e Cultura.

Iha parte lokraik, Comissão A continua halo audiência ho Comissão Anti-Corrupção no mos Provedoria dos Direitos Humanos e Justiça; no Comissão C, D, F no G continua sira nia audiência ho entidades sira iha parte dader nian.

Comissão sira maioria finaliza ona audiência iha loron ohin, no loron tuir mai, começa elabora ona relatório no parecer setorial hodi submete ba Comissão ba assuntos Finanças Públicas (Comissão C) tuir data ne’ebé determina iha calendário ba debate OGE nian, no ba comissões ne’ebé mak seidauk finaliza sira nia audiência, sei continua halo audiência iha loron, 07 fulan novembro tinan 2019, ho ministério no instituição relevante sira seluk.

Tags: