Pagina Inicial»Noticia
Mesa Parlamento Nacional liu hussi sessão Plenária ordinária iha loron 22 fulan outubro tinan 2019, baixa ona Proposta de Lei n.o 8/V (2ª) – Orçamento Geral do Estado para 2020, ba Comissão Especializada Permanente sira hanessan Comissão A, B, C, D, E, F, no G, ne’ebé simu diretamente hussi presidente comissão sira.
Nune’e tuir agenda ne’ebé aprova ona, Comissão Especializada sira sei hala’o audiência publica ho Governo no entidade relevante sira too 18 fulan novembro tinan 2019, hafoin ida-ne’e comissão sira sei entrega nia relatório parecer ba Comissão C ne’ebé trata assuntos Finanças Publicas hodi halo parecer antes hahú debate generalidade no especialidade iha Plenária.
Sessão Plenária ne’e mós halo voto de pesar ba matebian Ex-Ministro da Defesa, Cirilo Jose Valadares Cristóvão, ho 55 votos a favor, 0 contra no 0 abstenções.
Matebian Cirilo moris iha Fuiloro-Lospalos iha loron 20 fulan março tinan 1966, no hakotu iis iha Hospital Bali Indonésia iha loron 20 fulan outubro tinan 2019.
Além de ne’e, baixa mós ba Comissão A ne’ebé trata assuntos Constitucionais e Justiça, Projeto de Lei n.o 5/V (2ª) – Lei Eleitoral Municipal no Projeto de Lei n.o 6/V (2ª) – Lei Poder Local e da Descentralização Administrativa.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Secretario de Estado Para a Comunicação Social, Mericio Juvenal.
