Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Presidente Parlamento Nacional fó posse ba Secretária-Geral foun Parlamento Nacional

Pagina Inicial»Noticia

Presidente do Parlamento Nacional, Arão Noé de Jesus da Costa Amaral, acompanha hussi Presidente da Comissão da Função Pública, Faustino Cardoso Gomes, iha loron 13 fulan setembro tinan 2019, fó posse ba Secretária-Geral foun Parlamento Nacional nian, Cedelizia Faria dos Santos, hodi troca Secretário-Geral cessante, Adelino Afonso de Jesus. 

Iha discurso Presidente do Parlamento Nacional, hateten tuir Lei da Organização e Funcionamento da Administração Parlamentar (LOFAP) artigo 23 no 24 fó opção rua hanessan concurso público no nomeação, nune’e liu hussi reunião Conselho de Administração foti decisão opta recrutamento iha fulan abril liu ba, no liu hussi processo hotu ohin bele realiza ona tomada de posse ba Secretária-Geral eleita.

Presidente do Parlamento Nacional mós agradece ba Secretário-Geral cessante, Adelino Afonso de Jesus, ne’ebé durante ne’e hala’o knaar iha Secretariado Parlamento Nacional di’ak tebes, hussu atu Secretário-Geral cessante contínua fó contribuição, colabora ho estrutura foun hodi assegura administração no serviço Parlamento Nacional nian hodi servi povo no nação.

Iha fatin hanessan Presidente da Comissão da Função Pública, Faustino Cardoso Gomes, iha nia discurso hateten knaar Secretária-Geral iha responsabilidade boot ba serviço tuir orientação Parlamento Nacional no Conselho de Administração nian, tanba ne’e hussu ba Secretária-Geral empossado atu assegura serviço hotu-hotu ho responsabilidade.

Sorin seluk, Secretária-Geral foun, Cedelizia Faria dos Santos, considera knaar ne’ebé nia simu hanessan responsabilidade boot ne’ebe assume iha Parlamento Nacional, promete sei serviço hamutuk ho parte hotu liuliu Secretário-Geral cessante nomos sei continua hala’o serviço ne’ebé Secretário-Geral antigo hala’o ona liga ba orçamento tuir regulamento ne’ebe mak iha.

Participa iha cerimónia tomada de posse ne’e mak hanessan Presidente do Parlamento Nacional acompanha ho nia Vice-Presidente sira, Secretário de Estado para a Comunicação Social, Mericio Juvenal dos Reis, Presidente da Comissão da Função Pública, Faustino Cardoso Gomes, Reitor Seminário Nossa Senhora de Fátima, Pe. Ângelo Salsinha, representante bancada parlamentar sira, Presidente sira Comissão Especializada Permanente, estrutura sira secretariado Parlamento Nacional no funcionário sira.

Tags: