Secretariado-Geral Parlamento Nacional liu hussi Gabinete de Estudos Estratégicos e Jurídicos (GEEJ), organiza formação kona-ba «Analisa de Políticas Públicas e Boa Governação» ba funcionário sira Parlamento Nacional nian hamutuk na’in 21.
Formação ne’ebé lao durante semana ida, hahú iha loron 2 too 6 fulan setembro tinan 2019 ne’e, ho nia oradores mak hanessan Aniceto Guru Berteni, apresenta matéria kona-ba «Conceito de Politicas Publicas, Formulações Políticas Públicas», Jose Cornélio apresenta kona-ba «Método de Análisa Políticas Públicas», no Faustino Cardoso Gomes, apresenta kona-ba «Conceito de Boa Governação».
Durante apresentação matéria, iha mós sessão hussu no hatán hussi participante sira no hamossu discussão grupo liga ba matéria formação nian.
Iha enceramento formação ne’e, Secretario-Geral Adjunto, Luís Nacimento da Costa, hatete formação ne’e importante tebes liuliu matéria hirak ne’ebé orador sira fó ne’e pertinente tebes ba funcionário sira oinsá bele implementa iha serviço loroloron nian.
Formação ne’e loke hussi Coordenadora GEEJ, Celina Martins Fernandes, no encera hussi Secretario Geral Adjunto, Luís Nascimento da Costa.
